Իդեալական Չիզքեյքի պատրաստման գաղտնիքները

Ներքևի շերտի համար.
1 1/4 բաժակ (250 մլանոց) թխվածքաբլիթ (քրեքերներ, ես մեղրովն եմ օգտագործում)
6 ճաշի գդալ (15 մլանոց ) կարագ, հալեցրած

Միջին շերտի համար
1,4 կգ հալեցրած պանիր (ես Ֆիլադելֆիա տեսակն եմ օգտագործում)
11/2 բաժակ շաքարավազ
2 թեյի գդալ հեղուկ վանիլ
4 ձու, սենյակային ջերմաստիճանի
1 ճաշի գդալ լիմոնի հյութ (1 լիմոնի)

Վերևի շերտի համար
1 1/2 բաժակ թթվասեր
2 ճաշի գդալ շաքարավազ
2 թեյի գդալ հեղուկ վանիլ
1 թեյի գդալ լիմոնի հյութ (1/4֊1/2 լիմոնի)

Թխվածքաբլիթները լցնել զիպ տոպրակի մեջ (քիչ ափսե է կեղտոտվում), փշրել գրդնակով (կամ բանջարահատիչով), ավելացնել հալեցրած կարագը, տոպրակի մեջ խառնել և լցնել տապակի մեջ, ձեռքով տապակեցնել, լցնել բացվող տապակի մեջ (springform pan)։
Թխել՝ 190 C ( 375 F) 15 րոպե
Ջեռոցից հանել։ Ջեռոցի ջերմաստիճանը իջեցնել մինչև՝ 150 C (300 F)։ Ջեռոցի ներքևի հարկում ջրով լիքը լայն տապակ դնել և փակել։
Հարիչով հարել պանիրը, շաքարավազը, վանիլը 30֊60 վայրկյան, գդալով խառնել, նորից հարել ևս 45 վայրկյան։
Թեթև հարել ձուն, ավելացնել լիմոնի հյութը և լցնել պանրով խառնուրդի վրա։ Շատ թեթև հարել հարիչով, մոտ 40 վայրկյան։ Հարել միայն այնքան որ բաղադրիչները խառնվեն !!!
Խառնուրդ զգուշորեն լցնել ներքևի շերտի վրա։ Թխել ջեռոցի միջին բաժնում 11/4 ժամ։ Ընթացքում չբացել !!!
Պատրաստի թխվածքը պետք է թեթև շարժելիս կենտրոնական հատվածի 10 սմը ժելեանման քիչ շարժվի։ Վերին շերտի բաղադրիչները գդալով խառնել և ավելացնել։ Ջեռոցը անմիջապես անջատել և դուռը քիչ բաց թողնել մոտ 30 րոպե։ Տեղադրել սառնարանում՝ նվազագույնը 4 ժամ, ցանալի է 12 ժամ։

Կարևոր գաղտնիքները.

Որպեսզի ճաքեր չառաջանան բոլոր բաղադրիչները պետք է սենյակային ջերմաստիճանի լինեն
Ձուն առանձին ինչքան ցանկանում եք կարող եք հարել, սակայն բաղադրիչներին խառնելիս պետք է շատ քիչ խառնել (որպեսզի ճաքեր չառաջանան)
Ընթացքում դուռը չբացել
Բացառությամբ օրենքով նախատեսված եթե տապակի ջուրը վերջացել է, տաք ջուր ավելացնել
Թխել միայն այնքան որ կենտրոնը քիչ պինդ ժելեի նման լինի
Կտրելիս ամեն անգամ թաց անձեռոցիկով մաքրել