Վերջին տարիներին բավականին թրենդային դարձած հունական յոգուրտը առողջ սննդակարգի բաղադրիչ մաս է դարձել։Հունական յոգուրտը իրենից ներկայացնում է սովորական յոգուրտ (մածուն)՝ միայն շիճուկային մասը քամած, հետևաբար ավելի խիտ։ Սովորաբար վաճառվող հունական յոգուրտը պատրաստում են յոգուրտը 2-3 անգամ քամելով։ Որոշ երկրներում քամելու փոխարեն խստացնող նյութեր են ավելացնում, օրինակ, պեկտին, գուար գամ (guar gum), փոշի կաթ, ճարպ (butterfat), ժելատին։ Ուստի եթե տուփի վրա բաղադրիչների մոտ կաթից և լակտոբակտերիաներից բացի այլ բաղադրիչներ են նշված, նշանակում է քամելու մեթոդով չէ պատրաստված։ Մյուս տեսակի տեխնոլոգիաներից է նախապես կաթը երկարատև եփելը, որպեսզի ջրային մասը հեռանա։ Քամելու ընթացքում առաջացած շիճուկը շատ հարուստ է ջրալույծ վիտամիններով, և կարող է օգտագործվել փանքեյքների, թխվածքների, ապուրների մեջ։ Նախկինում հունական յոգուրտը միայն ոչխարի կաթից էր պատրաստվում։ Որոշ երկրներում վաճառվող տարրաի վրա անպայման նշվում է բակտերիաները քանակը (Որքան շատ, այնքան լավ)։ 100 միլլիոն/գրամ թարմ յոգուրտի և 10 միլլիոն/գրամ՝ սառեցված յոգուրտի դեպքում հատուկ պիտակով կարող է նշված լինել կենդանի և ակտիվ կուլտուրաներ պարունակող։
Հունական յոգուրտի առավելությունները սովորական յոգուրտի հետ համեմատած.
1. Մոտ երկու կամ ավելի անգամ շատ սպիտակուցներ է պարունակում, քանի որ քամելու ընթացքում խտանում է
2. Լակտոզի մեծ մասը հեռանում է շիճուկի հետ, հետևաբար լակտոզի նկատմամբ անտանելիություն ունեցող մարդկանց մեծ մասը կարող են օգտագործել
3. Ավելի քիչ կալորիաներ և ավելի քիչ շաքար է պարունակում
4. խտության շնորհիվ կարող է փոխարինել՝ թթվասերին և մայոնեզին։
Հունական յոգուրտ պատրաստելու համար անհրաժեշտ է.
1. 4 բաժակ (բաժակի չափը՝ 250 մլ֊անոց) կաթ (960 մլ)։ Ամենահամեղ յոգուրտը յուղոտ կաթից է ստացվում։
2. 1/4 բաժակ յոգուրտ (60 գրամ), ցանկալի է թարմ։ Ես առանձին մերանի համար փոքրիկ տարրաի մեջ թարմ պատրաստված պահում եմ սառնարանում։
3. Հնարավորինս հաստ պատերով կաթսա
4. Բամբակյա (թանզիֆե) քամիչ
5. Ջերմաչափ
Կաթը տաքացնել մինչև 83-85 C (185-200 F)՝ այնքան որ հիվանդածին բակտերիաները սպանվեն, բայց օգտակարությունը պահպանվի։ ժամանակ առ ժամանալ խառնել։
Թողնել սառչի մինչև 100֊110 F (37-43 C)։
Յոգուրտը խառնել 1/2 բաժակ կաթի հետ և ավելացնել մնացածին։ Լցնել հերմետիկորեն փակվող տարրաների մեջ, փաթաթել շորով։ Կարելի է պահել անջատված ջեռոցի մեջ՝ լույսը միացրած կամ նախօրոք նվազագույն ջեչմաստիճանով միացրած և անջատված ջեռոցի մեջ՝ նվազագույնը 4 ժամ, ցանկալի է 12 ժամ։ Թթու յոգուրտի սիրահարները կարող են պահել 24 և ավելի ժամ։ Յոգուրտը լցնել քամիչ շորի մեջ, դնել սառնարանում, ստուգել մինչև ձեր նախընտրած խտության հասնի և վայելել։
