Աղացած Մսով Ուտեստ, Ջեռոցում Պատրաստված Քաղցր Կարտոֆիլ և Ֆարրոյով Փիլավ

Ամերիկյան խոհանոց

Պատրաստման ժամանակը՝ 10 րոպե
Եփելու ժամանակը՝ 20 րոպե
Ընդհանուր ժամանակը` 30 րոպե

Բաղադրությունը․

• 1 ճաշի գդալ (25 մլանոց)յուղ (ցանկալի է միջին կամ բարձր ծխեցման կետ ունեցող)
• 500 գրամ տավարի աղացած միս
• 1/2 միջին չափի սոխ, մանր կտրատած / քերած
• 1 պճեղ սխտոր, քերած կամ / 1/2 թեյի գդալ սխտոր փոշի
• 1/2 կանաչ պղպեղ, մանր կտրատած / քերած
• 1/2 նեխուրի ցողուն, մանր կտրատած / քերած
• 1 գազար, մանր կտրատած / քերած
• 0-1/2 թեյի գդալ (5 մլանոց)աղ
• 1 թեյի գդալ դեղին մանանեխ
• 1/4-1/2 բաժակ (250 մլ-անոց) տոմատի մածուկ (ես տնական եմ պատրաստում), կամ 2 մանր կտրատած/քերած լոլիկ
• 1/8 թեյի գդալ սև պղպեղ
• Մատուցելու համար
• Ցորենի ամբողջական հատիկից պատրաստված հացեր
• Բանջարեղեն կամ պարզապես հազար
• Չեդեր կամ կամ ինչ տեսակի պանիր կնախընտրեք

Պատրաստման ձևը

• Թավայի մեջ լցնել յուղը, սոխը ու սխտորը, եփել մեկ կամ երկու րոպե (ես սովորաբար նաև քիչ ջուր եմ ավելացնում)
• Ավելացնել գազարը, նեխուրը, պղպեղը եւ շարունակել եփել ևս 2 րոպե
• Ավելացնել աղացած տավարի միսը, սև պղպեղը եւ աղը, մանանեխը։ Եփել մինև որ միսը ամբողրությամբ շագանակագույն դառնա
• Ավելացնել լոլիկը կամ տոմատի մածուկը։ Եփել ցածր ջերմաստիճանով 10 – ից 15 րոպե:
• Մատուցել թոսթ արված տաք հացերի մեջ։

Քաղցր կարտոֆիլի համար․

Բաղադրությունը․

• 2 միջին քաղցր կարտոֆիլ, լվացած, մաքրած (կեղևը պետք չէ հեռացնել)
• 1 թեյի գդալ դարչին

Պատրաստման ձևը․

• Քաղցր կարտոֆիլները պատառաքաղով ծակծկել:
• Եփել, 425 F (220 C) 45-50 րոպե, կամ մինչև պատառաքաղով ստուգելիս փափուկ լինի
• Դանակով կիսել և ավելացնել ձեր նախընտրած հավելումը՝ դարչին, հունական յոգուրտ, կարագ կամ պանիր։ Առանց հավելման ևս շատ համեղ է ստացվում։

Ֆարրոյի համար

• 1 բաժակ ֆարրո, լվացած, նվազագույնը մեկ ժամ թրջած
• 3-4 բաժակ ջուր
• 1 ճաշի գդալ ձիթապտղի յուղ կամ կարագ
• Աղ` ըստ ճաշակի

Պատրաստման ձևը․

Ֆարրոն լցնել ջրի մեջ , եփել 50-60 րոպե: Անջատելուց անմիջապես հետո ավելացնել կարագը կամ ձիթապտղի յուղը։