Սպանախով և սնկով լցոնած Մանիկոտտի պաստա

---

Պատրաստման ժամանակը՝ 20 րոպե

Եփելու ժամանակը՝ 1 ժամ

Ընդհանուր ժամանակը՝ 1 ժամ 20 րոպե

Բաղադրությունը:

• 1/2 ճաշի գդալ բուսայուղ
• 1 բաժակ (250 մլանոց) մանր կտրատած սունկ
• 1/2 բաժակ ռիկոտա պանիր (մոտ 300 գրամ)
• 1 բաժակ սպանախ, թարմ կամ սառեցված, մանր կտրատած
•  1/2 սոխ, մանր կտրատած
• 1 ձու
• 1/4 թեյի գդալ պղպեղ
• 1/4 թեյի գդալ սխտոր փոշի
• 1 1/2 բաժակ մոցառելլա կամ իտալական պանիրների խառնուրդ, քերած: Իմ մո՝ մոցարելա, պարմեզան, ազիագո, պրովոլոն, ռոմանո պանիրների խառնուրդ էր
• 1/2 բաժակ պարմեզան, քերած
• 1 բաժակ մարինարա սոուս * (ես տնական մարինարա սոուսով եմ պատրաստել)
• Աղ` ըստ ճաշակի
• 1 փաթեթ մանիկոտտի պաստա

Ավելի սոուսային տարբերակի համար՝ կրկնապատկել պանրի խառնուրդի. բոլոր բաղադրիչները։

Պատրաստման եղանակը․

Ջեռոցը միացնել՝ 350 F (180 C աստիճան):

Պաստան եփել ջրի մեջ մոտ 7 րոպե, մինչև` al dente քիչ պինդ լինի։

Ձիթայուղի մեջ (առանց դրա էլ է ստացվում, սնկի սեփական հյութով) թեթև եփել սոխը և սունկը՝ մոտ 5 րոպե:

Ափսեի մեջ խառնել ռիկոտան, սպանախը, սոխը, սունկը, ձուն, 1 բաժակ իտալական պանիր խառնուրդից/մոցարելլայից, և 1/4 բաժակ պարմեզանից։

Տապակի հատակին լցնել 1/2 բաժակ մարինարա սոուսից։ Երկրորդ շերտը դնել պանրային խառնուրդով լցոնած մանիկոտտին։ Վրայից տարածելով լցնել մնացած սոուսը։ Ցանել մնացած Իտալական պանրը/ մոցառելլա պանիրը և պարմեզանը։ Այս փուլից կարող եք փակ վիճակում տապակը տեղափոխել սառնարան և առավոտյան պատրաստել կամ կարող եք սառցախցիկ տեղափոխել (ես երկուսն էլ չեմ փորձել)։ Թխելուց 30 րոպե առաջ հանել սառնարանից:

Տապակը ծածկել փայլաթիթեղով, թխել 50 րոպե: Փայլաթիթեղը հանել և թխել լրացուցիչ 10 րոպե, կամ մինչև պարմեզանը ոսկեգույն դառնա:

Մարինարա սոուսի համար

Բաղադրությունը․

• 1/2 բաժակ կտրատած լոլիկ
• 2 ճաշի գդալ տնական տոմատի սոուս
• 1/8-1/4 թեյի գդալ օրեգանո
• 1/8 թեյի գդալ պղպեղ
• 1/8 թեյի գդալ սխտոր փոշի
• Աղ` ըստ ճաշակի

Պատրաստման եղանակը․

Կաթսայի մեջ ավելացնել մբոլոր բաղադրիչները։ Ես կարտոֆիլի ճզմիչ եմ օգտագործել որպեսզի սոուսը ավելի միատարր դառնա: Եփել ցածր ջերմությամբ՝ 15 րոպե: