Առանց Ալյուրի, Շաքարավազի և Ձվի Համեղ Բրաունիներ

Դասական բրաունին լինում է երկու տեսակի թաց (fudgey) կամ թխվածքանման (cakey)` կախված խտությունից։ Անվանումը եկել է 1893 թվականից առաջին անգամ Ամերիկյան հյուրանոցում պատրաստված շոկոլադային թխվածքից։

Բաղադրությունը

2 հատ միջին չափի քաղցր կարտոֆիլ (1 բաժակի չափ)
1 1/3 բաժակ նուշի կարագ, կամ ինչ տեսակի ընդեղենի կարագ ունեք, փափուկ վիճակում
¼-1/2 բաժակ թխկու հյութ
2 ճաշի գդալ- ¼ բաժակ կակաո
Կարելի է ավելացնել ¼ բաժակ մանրացրած ընկույզ, շոկոլադի կտորներ (առանց շաքարավազի)

Պատրաստման եղանակը

Պատառաքաղով ծակծկել կարտոֆիլը, եփել ջեռոցում 200C մոտ 40 րոպե կամ քառակուսիներով կտրատած քիչ ջրով խաշել։
Մեծ ամանի մեջ տրորել կարտոֆիլը, ավելացնել մնացած բաղադրիչները, լավ խառնել։
Լցնել 20×20 սմ չափերով տապակի մեջ։
Թխել 180 C (350 F) 35-40 րոպե։ Ես ավելի դասական թաց տեսակն եմ նախընտրում։
Ջեռոցից հանելուց հետո 15 րոպե սպասել, կտրատել։